88. ஆண்கள் தங்க நகைகள் அணியலாமா?
88. ஆண்கள் தங்க நகைகள் அணியலாமா?
ஆண்கள் தங்க நகைகள் அணிவதை நபிகள் நாயகம் (ஸல்) அவர்கள் தடை செய்துள்ளனர். ஆனால் சிலர் இவ்வசனத்தை (3:14) சான்றாகக் கொண்டு ஆண்கள் தங்க நகை அணியலாம் எனக் கூறுகின்றனர்.
குர்ஆனுக்கு எதிராக நபிகள் நாயகம் (ஸல்) அவர்கள் எப்படிக் கட்டளை யிட்டிருப்பார்கள் எனவும் கேட்கின்றனர். இது தவறாகும்.
இவர்கள் கூறுவது போல் தங்க நகைகள் அணிவது பற்றி இவ்வசனத்தில் கூறப்படவே இல்லை. தங்கம் மற்றும் வெள்ளிக் குவியல்களைத் திரட்டி வைத்துக் கொள்வது பற்றியே இவ்வசனத்தில் கூறப்பட்டுள்ளது.
தங்கம், வெள்ளிக் குவியல்களைத் திரட்டக் கூடாது என்று கூறினால் தான் அது இவ்வசனத்திற்கு முரண் எனக் கூற முடியும்.
தங்கம், வெள்ளிக் குவியல்கள் அழகாக்கப்பட்டுள்ளன என்று இவ்வசனத்தில் கூறப்பட்டுள்ளது. ஒரு வாதத்துக்காக நகைகளையே இது குறிக்கிறது என்று வைத்துக் கொண் டாலும் அழகாக்கப்பட்டுள்ளது என்ற சொல் அனுமதிக்கப்பட்டது என்ற கருத்தைத் தராது.
"அழகாக்கப்பட்டுள்ளது'' என்ற சொல் அனுமதிக்கப்பட்டுள்ளது என்ற கருத்தில் குர்ஆனில் பயன்படுத்தப்படவில்லை.
மனிதனுக்கு அழகாகத் தோன்றும் நல்லவை, கெட்டவை அனைத்துக்கும் இச்சொல் பயன்படுத்தப்பட்டுள்ளது.
(பார்க்க: திருக்குர்ஆன் 6:43, 6:108, 6:122, 6:137, 8:48, 9:37, 10:12, 13:33, 16:63, 27:4, 27:24, 29:38, 35:8, 40:37, 47:14, 48:12)
எனவே கவர்ச்சியாக்கப்பட்டுள்ளது என்ற சொல் அனுமதிக்கப்பட்டதைக் குறிக்காது என்பதை அறியாதவர்கள் தான் இவ்வாறு வாதிடுகின்றனர்.
10.07.2009. 10:11
